Finansies
Noordelike Sinode
Reiskoste, finansiële state en bydraes
Vinnige Skakels
FINANSIËLE OORSIG
Die finansiële funksie behels die hantering van kontant en betalings, die teboekstelling van alle finansiële transaksies en rapportering daarvan.
Inligting en hulpmiddels aangaande die teboekstelling van transaksies, hantering van transaksies in die grootboek en die formaat van die finansiële state (jaarliks aangepas) is hier beskikbaar.
Finansiële state moet jaarliks opgestel word in lyn met die voorafbepaalde formaat en deur ‘n ouditeur of ‘n onafhanklike nasiener onderteken word. ‘n Verslag van die onafhanklike nasiener moet by die finansiële state ingesluit word. Getekende finansiële state moet die Sinode jaarliks teen middel Junie bereik.
Kerklike begrotings moet deur gemeentes voorberei word in lyn met die formaat verskaf. Bydraes van gesamentlike werk word op die begroting bereken en aan die gemeentes kommunikeer. Die goedgekeurde begroting van die gemeente moet voor of op 28 Februarie aan die ringsverteenwoordiger voorsien word, wat dit weer op sy/haar beurt aan die rekenmeester van die sinode besorg.
FINANSIËLE STATE
Finansiële Beampte: Mev Sandra Grobler
Die finansiële funksie behels die hantering van kontant en tjeks, die teboekstelling van alle finansiële transaksies en rapportering daarvan.
Inligting en hulpmiddels aangaande die teboekstelling van transaksies, hantering van transaksies in die grootboek en die formaat van die finansiële state (jaarliks aangepas) is hier beskikbaar.
Finansiële state moet jaarliks opgestel word en deur ‘n ouditeur of ‘n onafhanklike nasiener onderteken word. ‘n Verslag van die onafhanklike nasiener moet by die finansiële state ingesluit word.
Getekende finansiële state moet die Sinode jaarliks teen middel Junie bereik.
Gebruik hierdie skakel om die ProForma State formaat af te laai.
Rig navrae direk aan die Finansiële Beampte
💬 Het jy 'n vraag rakende finansiële state? Kyk hier vir vinnige antwoorde!
Wie moet die finansiële state opstel en wie moet dit onderteken?
Elke gemeente stel jaarliks haar finansiële state op. Dit moet deur ’n ouditeur of onafhanklike nasiener onderteken word, en die verslag van die nasiener/ouditeur moet by die state ingesluit word.
Teen wanneer moet getekende finansiële state by die Noordelike Sinode ingedien word?
Getekende finansiële state moet jaarliks teen middel Junie die Sinode bereik.
Waar kry ek die amptelike formaat vir die finansiële state?
Gebruik die formaat vir die toepaslike finansiële jaar soos op die webblad aangedui. Dit is die enigste dokument wat vir indiening gebruik mag word. Volg die "Finansies" vinnige skakel en vid die jaar se formaat.
Mag ons ’n alternatiewe sjabloon gebruik as ons ouditeur dit verkies?
Nee. Slegs die amptelike formaat soos deur die Noordelike Sinode voorsien, mag gebruik word; kommunikeer dit duidelik aan jou ouditeur/rekenmeester.
Watter kern verantwoordelikhede val onder die finansiële funksie?
Die hantering van kontant en elektroniese bankdienste, teboekstelling van alle transaksies, en rapportering daarvan volgens die voorgeskrewe formaat.
Waarheen stuur ek die voltooide finansiële state?
Dit kan opgelaai word met die funksie vanaf die webblad onder finansiële state.
BYDRAES TOT GESAMENTLIKE WERK
(BGW)
Finansiële Beampte: Mev Sandra Grobler
Gemeentes ontvang in Desember hul BGW-persentasie en vorm BGW2 om die verwagte inkomste vir die nuwe boekjaar aan te dui. Die gemeente bereken haar bydrae (90% van die verwagte inkomste) en stuur dit saam met BGW2 aan die ringsverteenwoordiger. Die ringsverteenwoordiger verifieer dit en lewer BGW1 en BGW2 teen 1 Februarie by die Sinodehuis in.
Die rekenmeester vorder die bedrag maandeliks per debietorder, met moontlikheid vir tydelike staking by kontantvloei-probleme (maksimum twee maande). ’n Goedgekeurde begroting moet ook teen 28 Februarie ingedien word.
Die bydrae kan ná 6 of 9 maande aangepas word indien inkomste wesenlik verskil van die begroting. By ontvangs van die geouditeurde finansiële state word ’n finale verrekening gedoen (vordering of terugbetaling).
Vir regverdigheid en eenvoud mag geen uitgawes afgetrek word nie. Slegs die volgende inkomste kan uitgesluit word:
1. Versekeringseise
2. Kapitale wins uit die verkoop van vaste eiendom
3. Testamentêre bemakings
4. Bedieningsondersteuning van die Sinode, ring of ’n ander gemeente.
In uitsonderlike gevalle kan die kerkraad by die ring aansoek doen om ’n ander inkomste uit te sluit; dit word dan deur die Taakspan Bedieningsondersteuning oorweeg.
Gebruik hierdie skakels om Laai die BGW 1 en BGW 2 formaat af te laai.
Rig navrae direk aan die Finansiële Beampte
💬 Het jy 'n vraag rakende Bydraes tot Gesamentlike Werk (BGW)? Kyk hier vir vinnige antwoorde!
Wat is BGW?
BGW is die bydrae wat gemeentes tot die gesamentlike werk van die Noordelike Sinode lewer, volgens ’n gestandaardiseerde proses met jaarlikse persentasies en vorms.
Hoe bereken ’n gemeente haar BGW-bydrae?
Bereken 6,5% van 90% van die verwagte jaarlikse inkomste.
Watter vorms word gebruik?
• BGW1: Met inligting ontvang vanaf gemeentes word die vorm voltooi vir die Ring en aan die Finansiële Beampte gestuur.
• BGW2: Gemeente dui haar verwagte inkomste vir die volgende boekjaar aan. Formules is ingebou vir die berekening van BGW betaalbaar. Die vorm word dan aan die Ringsverteenwoordiger Finansies en Finansiële Beampte gestuur.
Wanneer moet die BGW-vorms by die Sinodehuis wees?
Die ringsverteenwoordiger stuur al die BGW2-vorms saam met die voltooide BGW1 voor 1 Februarie na die Sinodehuis vir ouditering.
Watter kern verantwoordelikhede val onder die finansiële funksie?
Die hantering van kontant en elektroniese bankdienste, teboekstelling van alle transaksies, en rapportering daarvan volgens die voorgeskrewe formaat.
Hoe word BGW ingevorder?
Ter wille van administratiewe doeltreffendheid en kontantvloei word alle BGW-vorderings per debietorder gedoen, ooreenkomstig die bedrag soos per BGW2. Geen wysiging sonder skriftelike opdrag (bv. semester-/ander verslag) nie.
Kan ons tydelik die debietorder stop as kontantvloei druk is?
Ja. Reël ’n tydelike staking van die debietorder met die RVF. Dit beteken nie vrystelling van die betrokke BGW nie. As dit langer as 2 maande duur, word die saak na die RK verwys vir moontlike bedieningsondersteuning.
Teen wanneer moet die goedgekeurde gemeentebegroting ingestuur word?
Die goedgekeurde begroting word voor of op 28 Februarie aan die ringsverteenwoordiger voorsien; hy/sy stuur dit aan die Sinode se finansiële beampte.
Mag die BGW-bydrae gedurende die jaar aangepas word?
Ja. Indien die werklike inkomste afwyk van die begroting, kan die gemeente na 6 maande (of na 9 maande) die vorderingsbedrag laat aanpas via die Sinode se finansiële beampte, om groot oor/terug-betalings by jaareinde te voorkom.
Wat gebeur by die finale afrekening?
Wanneer die geouditeurde state ontvang word, geskied ’n finale berekening (gebaseer op werklike inkomste). Daar kan dan ’n bykomende vordering of terugbetaling aan die gemeente wees.
Kan uitgawes van die BGW-basis afgetrek word?
Nee. Ter wille van regverdigheid en eenvoud word geen uitgawes afgetrek nie, behalwe soos elders spesifiek genoem.
Watter inkomstes mag van die totale inkomste afgetrek word?
Slegs die volgende:
• Versekerings-eise
• Kapitale wins op verkoop van vaste eiendom
• Testamentêre bemakings
• Bedieningsondersteuning (inkomste vanaf sinode/ring/ander gemeente van die Noordelike Sinode)
Wat as daar ’n uitsonderlike inkomstrubriek is wat uitgesluit moet word?
Die kerkraad kan die ring nader. As dit meriete het, verwys die ring dit na die Taakspan Bedieningsondersteuning (verteenwoordigers van gemeente, ring en sinode) vir oorweging.
REISKOSTE
Finansiële Beampte: Mev Sandra Grobler
Reiskoste word betaal aan leraars/kerkraadslede wat van buite Pretoria reis om vergaderings by te woon. Dit sluit in vliegkaartjies en ander werklike koste aangegaan. Akkommodasie, indien meer as 12 ure van die huis en oornag moet word dan werklike koste. Reiskostevorms word by vergaderings voltooi en is onderhewig aan die voorsitter se finale goedgekeur.
Gebruik hierdie skakel om die reiseisvorm in te vul.
Rig navrae direk aan die Finansiële Beampte
💬 Het jy 'n vraag rakende reiskoste? Kyk hier vir vinnige antwoorde!
Wie kom vir reiskoste in aanmerking?
Leraars en kerkraadslede wat van buite Pretoria reis om vergaderings by te woon. Reis vir die Sinodesitting word aangepas vir waarheen gereis word en sal kommunikeer word as deel van die reëlings vir die Noordelike Sinode sitting in 2026.
Wat word vergoed?
• Vliegkaartjies: werklike koste
• Akkommodasie: werklike koste indien die afwesigheid meer as 12 uur is en oornag vereis word
Hoe dien ek ’n reis-eis in?
• By vergaderings: voltooi die reiskostevorm en laat dit deur die voorsitter goedkeur.
• Per e-pos: stuur die eis aan die finansiële beampte; goedkeuring word dan by die betrokke voorsitter verkry voor uitbetaling.
Waar kry ek die reiskostevorm?
Die Eisvorm is beskikbaar op die Noordelike Sinode webblad.
SARS
Finansiële Beampte: Mev Sandra Grobler
Die Noordelike Sinode van die NG Kerk hanteer SARS- en Inkomstebelastingverpligtinge deur aan die relevante wetgewing en regulasies van die Suid-Afrikaanse Inkomstediens (SARS) te voldoen, veral waar sake rakende inkomste, salarisse en gemeentebesit voorkom. Gemeentes en sinodale kantoorpersoneel registreer as Belastingvoorgeregde Openbare Weldaadorganisasies (PBO’s) om van sekere belastingvrystellings gebruik te maak—dit beteken dat kerklike aktiwiteite hoofsaaklik belastingvry is, tensy daar inkomste gegenereer word uit nie-kerklike bronne soos die verhuring van eiendom, wat dan aan gewone inkomstebelasting onderworpe is. Werknemers soos predikante se vergoedingspakkette word gestruktureer volgens SARS-voorskrifte en die Kerkorde, wat verseker dat statutêre aftrekkings en belastingaangeleenthede korrek hanteer word, met die hulp van kerkladings en finansiële kommissies indien nodig. In elke geval word ‘n belastingskuldige of die SARS-webwerf geraadpleeg om seker te maak dat die sinode aan alle vereistes voldoen.
Rig navrae direk aan die Finansiële Beampte
💬 Het jy 'n vraag rakende SARS-rekonsiliasie? Kyk hier vir vinnige antwoorde!
Waar kry ek die SARS-rekonsiliasie-riglyne/dokument?
Daar is ’n SARS-rekonsiliasie dokument (20/09/2022) beskikbaar vir verwysing. Voeg ook asseblief ’n inleidende verduideliking op die webblad by waar nodig.
Wat is die doel van die SARS-rekonsiliasie op die webblad?
Om gemeentes na die korrekte dokumentasie te lei en konsekwentheid te verseker by die voorbereiding/indiening van SARS-verwante opgawes en rekonsiliasies.
NOORDELIKE SINODE BANKBESONDERHEDE
Finansiële Beampte: Mev Sandra Grobler
Die bankbesonderhede van die Noordelike Sinode van die NG Kerk word nie publiek op die webwerf beskikbaar gemaak nie om sekuriteit te verseker en die korrekte hantering van fondsoorplasings te bevorder. Indien iemand die bankbesonderhede benodig, kan dit veilig versoek word deur die toepaslike aansoekvorm op die sinode se administrasieplatform in te vul, waarna die kantoor die besonderhede sal verskaf en verdere kommunikasie sal volg om die oordrag te bevestig. Hierdie proses waarborg dat alle finansiële interaksies tussen gemeentes, lede, en die sinode volgens die geldende administratiewe en regulatoriese riglyne plaasvind.
Rig navrae direk aan die Finansiële Beampte
💬 Het jy 'n vraag rakende Bankbesonderhede van die Noordelike Sinode? Kyk hier vir vinnige antwoorde!
Hoe versoek ek die Noordelike Sinode se bankbesonderhede?
Vul die aanlyn versoek in met naam, van, selfoonnommer, e-pos en die rede vir die versoek. Ná verifiëring word die bankbesonderhede direk aan jou gestuur. Dit verseker dat besonderhede slegs vir geldige redes verskaf word.
Hoekom word bankbesonderhede nie publiek vertoon nie?
Om veiligheid en misbruik-risiko te bestuur. Die verifikasie-stap beskerm sowel die Sinode as die gemeente.
ALGEMENE FINANSIES VORMS
Finansiële Beampte: Mev Sandra Grobler
Die Noordelike Sinode van die NG Kerk hanteer sy finansiële administrasie volgens streng interne riglyne en Suid-Afrikaanse wetgewing, met die doel om deursigtigheid en verantwoording aan sy lede te verseker. Algemene finansiële inligting, soos jaarverslae, begrotings en finansiële prestasie, word periodiek gekommunikeer aan gemeentes en ander belanghebbendes op versoek of tydens sinodale vergaderings.
Enigiemand wat meer inligting oor die sinode se finansies verlang, kan ‘n formele versoek indien om toegang tot relevante finansiële dokumente en verslae te verkry, in ooreenstemming met die sinode se beleid op inligtingsbestuur.
Rig navrae direk aan die Finansiële Beampte
💬 Het jy 'n vraag rakende praktiese skakels en dokumente? Kyk hier vir vinnige antwoorde!
Waar kry ek die nuutste finansiële-state-formaat?
Op die finansies-afdeling van die webblad, onder “Finansiële State”. Let wel: elke jaar se formaat kan bygewerk word. Gebruik altyd die jongste weergawe.
Waar kry ek die BGW-vorms en riglyne?
• BGW2-vorm (xls) – gemeente-begroting (jaarliks hernu)
• BGW-riglyne (PDF) – bly dieselfde/gestandaardiseerde riglyne
• Infogram: Aanwending van bydraes – verduidelik hoe bydraes gebruik word
Alles is onder “BGW” beskikbaar.
Waar kry ek riglyne oor vervoertoelae (belasting)?
Verwys na die BELASTING-dokumentasie vir die relevante finansiële jaar (bv. 2025, 2023, 2022) soos gelys onder Reiskoste.
072 827 6360
Ng Kerk Noordelike Sinode, Middlestraat 153, Nieuw Muckleneuk, Waterkloof, South Africa 00181