22 Mei 2026
Welkom by hierdie uitgawe met die volgende inhoud.
Vorige uitgawes
Lees dit hier deur op die onderstaande skakel te kliek.
Varsnuus
25 Mei - 1 Junie, Kinderbeskermingsweek
Nasionale Kinderbeskermingsweek vind hierdie jaar vanaf 25 Mei tot 1 Junie plaas. Tydens hierdie week word bewustheid rondom kinders se veiligheid op verskeie maniere geskep. Vir meer agtergrond oor die bewusmakingveldtog, verskillende temas wat relevant is asook verskillende bewusmakingmetodes, lees die insetsel hier.
Sinodenuus
Binnelandse Sake: Belofte om dienservaring te verbeter
Grenspos, die nuusbrief van die Oos-Kaapland Sinode berig dat ses kerke gesprek gehad het met die minister van Binnelandse Sake, Leon Schreiber, oor knelpunte rondom die registrasie van huweliksbevestigers en huwelike.
Na aanleiding van hierdie gesprek het die minister skriftelik gereageer. Lees die skrywe hier.
In die voortgaande gesprek wil kerke graag verseker word dat 'n spesifieke, toegewysde e-posadres vir kommunikasie beskikbaar gestel word, en vir spoedige implementering van die gesamentlike taakspan vir hoofstroomkerke wat Schreiber voorsien. Die lys gestandaardiseerde vereistes van die Departement sal ook spoedig beskikbaar gestel word.
CMRN se 90 jaar van uithou, aanhou, genade en hoop.
'n Tyd gelede het ons 'n berig geplaas oor die Christelike Maatskaplike Raad Noord (CMRN) se glans geleentheid om hul 90ste bestaansjaar te vier. In 'n artikel wat op 20 Mei in Kerkbode verskyn het, skryf Hendrien van Vliet meer oor die geleentheid maar brei ook uit oor hoogte- en laagtepunte gedurende hierdie era. Lees hul stories van hoop, vertellings oor die begindae, hoe hul gegroei het en waar hul hulself tans bevind, hier.
Kennisgewing insake reiskoste
'n Besluit is deur die Moderatuur in opdrag van die SDR geneem oor die tarief wat geld vir die befondsing van reiskostes vir amptelike verpligtinge.
Skryf nou in teen 'n verlaagde kampprys!
Vroeë inskrywings vir die Survivor kamp (inskrywings wat voor 31 Mei ontvang word), betaal 'n laer kampfooi as diegene wat na die 31ste Mei inskryf. Maak gebruik van hierdie spesiale aanbieding en skryf nou in.
Hierdie jaarlikse kamp is gerig op alle jongmense van graad 8 tot 10 en word weer by Badseloopkampterrein gehou gedurende die winter skoolvakansie (29 Junie tot 3 Julie).
Die Ringsjeugkommissie van Pietpotgietersrus rig 'n uitnodiging aan alle gemeentes, lees dit hier.
Stel jy belang om as personeel aan die kamp deel te neem, lees dan hier.
Die inskrywingsvorm vir die kamp is hier beskikbaar.
Gemeentes word versoek om asseblief die verskillende korrespondensie en die vorms met jongmense te deel.
Op soek na helderheid.
Die laaste van die reeks predikantwegbreke met Hermeneutiek as fokus, vind van 9 tot 11 Junie by Tsekama plaas. Die tema is: "Op soek na helderheid".
Daar is vir 15 mense plek. Die sinode dra al die koste buiten die reiskoste. Elkeen kry 30 VBO-punte.
Belangstellendes moet so gou moontlik vir Elmarie Jooste ([email protected] / 0824966317) of vir Paul Grobler ([email protected] / 0826535734) skakel.
PredikanteSAAMkoms 2026
Leraars wat die byeenkoms in Augustus gaan bywoon kan dié skakel gebruik -SaamKoms – NG Kerk om op hoogte te bly oor verwikkelinge of reëlings oor die geleentheid.
Kolleganuus
Verjaarsdae
As jy of jou eggenoot die komende week verjaar en jul besonderhede is nie gelys nie, laat weet asseblief vir Elmarie by [email protected] of 0824966317.
Leraars
26 Mei Hendrik Barnard (Valhalla)
27 Mei Dewyk Ungerer (Gekoppel aan Kerk-in-Suid)
28 Mei Hardus Prinsloo (Daspoort)
28 Mei Paul van Jaarsveld (Magalieskruin)
Emeriti
24 Mei Christiaan Gericke
25 Mei Conrad Wethmar
27 Mei Pieter Oberholzer
28 Mei Martiens Swart
Eggenote
23 Mei Marlene du Toit, weduwee van Derick (Villieria)
25 Mei Charné Hattingh, eggenote van Nicky (Krokodilrivier)
27 Mei Lourens Strauss, eggenoot van Alwine (Kameeldrif)
Gemeentenuus
Stigtingsdatums
As jou gemeente se stigtingsdatum nie ooreenstem met die inligting wat in Verskil ingesluit word nie, laat weet ons asseblief deur met Elmarie te skakel by 0824966317 of stuur ’n epos aan [email protected].
28 Mei 1901 Harare Gemeente
Projekte
Universiteitsoord
Die gemeente doen 'n beroep op lesers om hul te ondersteun in die Winterprojek.
Maryna Enslin, die Bemarkingsbeampte van die gemeente verduidelik die metode soos volg:
" Gebruik ‘n skoon leë koffiebottel (Nescafé werk goed).
Vul die bottel met die volgende bestanddele:
1/2 Koppie rys
1/2 Koppie sopmengsel
1/2 Koppie lensies
1 Blokkie beesvleisaftreksel
1 Pakkie soppoeier
Herhaal tot die bottel vol is.
Lewer gevulde bottels teen 25 Mei by Universiteitsoord af."
Aktiwiteite
As jy inligting oor aktiwiteite in jou gemeente met Verskillesers wil deel, stuur dit betyds aan [email protected]. Ons plaas ook graag inligting oor die sukses van gebeure na afloop daarvan. Deel jul ervarings met ons.
Brits
Haakdoorn
Kameeldrif
Montana
Nylstroom-Oos
Rietfontein-Suid
Rivieria-Jakaranda
Villieria
Waverley
Wierdapark
Queenswood
Florandia
Raslouw
Omgeenuus
Abraham Kriel Kinderhuis Nylstroom
Díe kinderhuis vier vanjaar hul 66ste bestaansjaar. Hul tema vir die jaar is "Jaar van hoop, omgee en herstel. 'n Tuiste waar kinders weer kan droom".
Gerda van der Merwe, Hoof van die kinderhuis, skryf: "Vir die afgelope 66 jaar bied Abraham Kriel Kinderhuis Nylstroom 'n veilige tuiste van liefde, genesing en hoop aan kinders wat traumatiese omstandighede beleef het. Ons missie is om elke kind te help om die pyn van die verlede te oorkom, hul potensiaal te ontdek en met selfvertroue na die toekoms uit te reik."
Vir meer besonderhede oor die kinderhuis, hul missie, fokus en kultuur, lees hier.
Toerusting
Excelsus ontwikkelingsgeleenthede
11 Junie, Evangelisasie opleiding.
18 Junie, Vanuit Ou Testament: Die Pentateug in die skadu van Empire.
Bespreek hier: Vanuit Ou Testament: Die Pentateug in die skadu van Empire
Ander
Besoek gerus Excelsus se webwerf vir meer besonderhede oor ander toerustingsgeleenthede.
Vakatures
Gemeentes is welkom om inligting oor vakatures in die Verskil te laat plaas. Deel asseblief besonderhede met [email protected].
Stabilis Behandelingsentrum (Pretoria)
'n Vakature vir Algemene Bestuurder is by die sentrum beskikbaar. Volledige besonderhede is in Afrikaans en Engels beskikbaar.
Sluitingsdatum: 22 Mei 2026
Algemene Sinode (Hatfield, Pretoria)
Die Algemene Sinode kantoor het ’n vakature vir 'n Administratiewe Assistent beskikbaar. Besonderhede is hier beskikbaar.
Sluitingsdatum: 29 Mei 2026 om 13:00
Soutpansberg Gemeente (Louis Trichardt)
'n Vakature vir voltydse Leraar is in die gemeente beskikbaar. Vir meer besonderhede lees hier.
Sluitingsdatum: 12 Junie om 12:00
Môregloed Gemeente (Pretoria)
'n Vakature vir 'n vastetermyn Leraar is in die gemeente beskikbaar. Volledige inligting is hier beskikbaar.
Sluitingsdatum: 17 Julie 2026
Ander
Besoek die Kerkbode vir meer inligting oor ander vakatures. https://kerkbode.christians.co.za/category/vakatures
Ander Nuus
Die werkloosheidskrisis in ons land, ons gee om.
Die Suid-Afrikaanse werkloosheidsyfer staan op 32,7%, volgens die kwartaalsyfer wat in Mei vanjaar bekendgemaak is. Die uitgebreide definisie van werkloosheid stoot dié syfer verder op, tot 43,7%.
Hoe gemaak as jou geliefde of vriend se maatskappy herstruktureer en jy meteens moet probeer raadgewer speel vir iemand wat werkverlies in die gesig staar of reeds sy / haar werk verloor het? Hoe ondersteun ek 'n gemeentelid in so situasie?
Le Roux Schoeman van Kerkbode het drie kundiges geraadpleeg en 'n artikel hieroor, gedateer 20 Mei, geplaas. Lees die volledige artikel met praktiese wenke van wat om te sê en wat om nie te sê nie, hier.
Getuienis: 'n Predikantma vertel.
Lizl-Louise Schoeman, voorsitter van die moderatuur en predikant by Monumentpark Gemeente, vertel in moedersdagmaand aan Heléne Meissenheimer, van Kerkbode, dat haar dogter met Downsindroom haar hele verstaan van ma-wees, verander het. Lees die volledige artikel hier.
Preekgeleenthede
Baie dankie aan al die predikante wat aangedui het dat hul beskikbaar is om eredienste te lei in gemeentes waar daar vakatures is, of wanneer leraars afwesig is. Laai die opdateerde lys hier af.
Dateer jou inligting op
Dit mag moontlik wees dat jou persoonlike kontakbesonderhede of die funksionele rol wat jy in die gemeente of ring het, onlangs verander het. Verseker dat jou inligting op die sinode se databasis korrek is ten einde belangrike korrespondensie te ontvang.
Dateer jou besonderhede hier op.
Vorige uitgawes
Lees dit hier deur op die onderstaande skakel te kliek.
