29 Augustus 2025

Nuusbrief

August 28, 2025•6 min read

Custom HTML/CSS/JAVASCRIPT

Welkom by hierdie uitgawe met die volgende inhoud

29 Augustus 2025

Tyd raak min!

Hierdie jaar se lentekonferensie is om die draai. Registrasies vir die konferensie sluit 10 September. Registreer op die konferensie se webblad by: www.lentekonferensie.co.za.

Sinodehuis-personeel verhuis

Met die sluiting van Harmoniehof Tuiste vir Bejaardes na Covid-19, en die gevolglike verkoop van die Harmoniepark, skuif nie net Harmonie-Oord soos onlangs berig is nie, maar ook die Sinodehuis. Die personeel gaan tydelik van Huis Piek af in Melkstraat, Muckleneuk, werk. Die kontakbesonderhede van die personeel bly egter dieselfde as voorheen en hulle sou ook persoonlik daar besoek kon word.

Op 14 Augustus het die laaste taakspan vergadering by Steve Bikostraat 125 plaasgevind (sien foto hieronder) en so ook die laaste moderatuursvergadering op 18 Augustus.

Vergaderings sal vir die interimtyd ook by Huis Piek plaasvind. Tydens hierdie interimtyd sal daar aandag gegee word aan ‘n langtermyn tuiste vir die Sinodehuis.

Elmarie Jooste, Kommunikasie: [email protected] / 082 496 6317

Sandra Grobler, Finansies: [email protected] / 079 527 2684

Rehan Rheeder, Saakgelastigde: [email protected] / 083 288 7756

Paul Grobler, Direkteur: [email protected] / 082 653 3734

Sinodenuus

Opdatering van databasis – POPIA vereiste

Talle Verskillesers het alreeds die inligting deurgegee en aangedui in watter formaat hul die Verskil wil ontvang. Ongelukkig kon ons die persoonlike keuse nog nie implementeer nie en moet steeds beide WhatsApp en e-poskommunikasie kanale gebruik totdat die meerderheid lesers aangedui het wat hul keuse is.

Ons vra verskoning vir die ongerief wat dit veroorsaak aan diegene wat reeds die vormpie voltooi het, en versoek ons weer eens dat die wat dit nog nie voltooi het nie, dit wel so gou moontlik sal doen. (Kliek op hierdie skakel.)

Pensioenfonds

Verskillesers word daaraan herinner dat sou hul aan hul pensioenfondsbydrae wil verander, die afsnydatum vir veranderinge 1 September 2025, is. Kliek hier vir ‘n verdere omsendskrywe van die pensioenfonds waarin die besluit in meer diepte verduidelik word.

Agtergrond vir veranderinge aan pensioenfonds

Omsendskrywe 4 van 25 (Afrikaans)

Circular 4 of 25 (Engels)

Circular 4 of 25 (Tswana)

Critical illness insurance (Engels)

Opdatering van Jaarboek 2026

Gemeente-kantore het gedurende die week ’n versoek ontvang om die inligting in die jaarboek rakende hul gemeente en personeel op te dateer. Gemeentes word versoek om hierdie inligting so gou moontlik, maar nie later as Vrydag 5 September, aan [email protected] te stuur.

Die somer is hier!

Besprekings deur Mandy of Quicket (skakel: https://qkt.io/SpringFunRun)

Kontak: Mandy de Ridder 072 287 8323 of [email protected]

Besprekings is noodsaaklik

Dokumentêr-vertoning: Plastic People

Fay van Eeden (Stellastraat) skryf:

Kom kyk saam na die bekroonde dokumentêr Plastic People: The Hidden Crisis of Microplastics – ŉ onthutsende blik op ons wêreldwye afhanklikheid van plastiek en hoe mikroskopiese plastiekdeeltjies ons liggame en planeet indring.

Wêreldwyd word meer as 1,5 miljard plastiekbottels elke dag gekoop, en bykans die helfte van alle plastiek word net een keer gebruik. Nou vind wetenskaplikes mikroplastiek deeltjies in ons bloed en selfs in die plasentas van nuwe moeders.

As deel van ŉ inisiatief deur die Algemene Sinode se Taakspan Ekologie word hierdie dokumentêr reg oor die land vertoon ter inleiding van die jaarlikse Seisoen van die Skepping. Die film neem ons saam met joernalis Ziya Tong op ŉ persoonlike reis na die wetenskaplikes wat hierdie krisis bestudeer – en vra: Wat kan ons daaraan doen?

Vertonings in die Noordelike Sinode en naburige sinodes:

• NG Aan die Berg – 7 September, 17:00 (Lawleylaan 17, Northcliff, Randburg)

• NG Skuilkrans - 7 September, 10:30 & 15:30 (H/v Cussonialaan en Jan Albert straat, Pretoria)

• Excelsus Lentekonferensie - 17 September, 15:30 (H/v Duxbury en Herold straat, Hatfield, Pretoria)

• NG Stellastraat - 18 September, 18:30 (158 Stellastraat, Waterkloof, Pretoria)

• NG Rietfontein-Noord – 26 September, 10:00 & 19:30 (24ste Laan 800, Rietfontein, Pretoria)

• NG Elspark – (Datum en tyd sal nog bevestig word)

• NG Hoedspruit - (Datum en tyd sal nog bevestig word)

• NG Debruinspark, Ermelo - (Datum en tyd sal nog bevestig word)

Indien daar enige gemeentes is wat nog 'n vertoning sou wou hou, kontak gerus vir Fay van Eeden ([email protected]). Kom beleef hierdie impakvolle vertoning en gesels saam oor hoe ons ŉ verskil kan maak!

Kliek hier vir die skakel na die bemarkingsmateriaal vir die vertonings.

Kolleganuus

Kolleganuus

Geluk!

Die Gemeente Proteapark in Rustenburg het verlede jaar drie predikante, te wete EJ Leach, asook Meiring en Jeannette de Wet, op dieselfde Sondag in die gemeente bevestig. Beide die predikantsgesinne het ‘n dogtertjie ingesluit en onlangs is beide geseën met ‘n seuntjie. EJ en Sané se seuntjie heet Edward en Meiring en Jeannette se seuntjie, Joshua.

Hospitaal

Ons is bewus van die volgende persone wat die afgelope tyd in die hospitaal was:

Marius Hunter van Northam

Derick du Toit van Villieria

Bewegings

Cornél Viljoen (tans by Gemeente Ellisras-Wes) is na die Gemeente Lux Mundi in Pretoria beroep.

Verjaarsdae

Leraars

• Hennie Kotze (Rustenburg), 1 September

• Gerrie Bodenstein (Stellastraat), 1 September

• Anton Pienaar (Stellastraat), 2 September

• Leonie Johnson (Haakdoorn), 3 September

Eggenotes

• Jacqueline Odendaal, eggenote van Riaan (Warmbad-Wes), 31 Augustus

Emeriti

• Hennie Yzelle 2 September

• Kobus Small 3 September

Gemeentenuus

Gemeentenuus

Levubu

Die Ring van Louis Trichardt het by hulle onlangse ringsitting opnuut kennis geneem van die Cloete-egpaar se tragiese moord tydens ‘n plaasaanval in 2022. Daar het egter nog geen vervolging plaasgevind nie. Hulle kinders is steeds lidmate van die Gemeente Levubu en die ring het versoek dat dit via die Verskil onder gemeentes se aandag gebring word met die oog op voorbidding. Kliek hier vir die volledige skrywe van die ring (Louis Trichardt versoek om voorbidding).

Stigtingsdatums

The Reeds 6 September 1987

Mootvallei 1 September 2011

Geleenthede

Waterkloofrif

Waverley-Oos

Lynnwood

Overkruin

Raslouw

Universiteitsoord

Preekreeks: Volgens die Gemeente Universiteitsoord is hierdie preekreeks ’n kreatiewe uitnodiging om eerlik te kyk na die toestand van jou geestelike lewe: Vol waarskuwings wat jy dalk al lank ignoreer (system error, battery low, storage full).

Gebruik die volgende skakel om toegang tot die boekie te kry. Die skakel na die preekreeks is beskikbaar op Universiteitsoord se webwerf.